شرح للجدد بالعراقي شلون تجمع ثروتك وشنو لازم تعرف

MohammedReda2 أغسطس 2026guide

حي الله الشباب الجدد

اول شي شنو هي هاي اللعبة ؟

بكل اختصار لعبة ستراتيجية اول شي تسوي تطور نفسك بعدها تدخل حروب تدمج حتى تحصل اراضي بيها موارد وترفع اسم بلدك بين الاف الاعبين من كل العالم

طيب شنو غيرها مثلا ممكن تستمتع بي ؟

تكدر تساهم بمسح اراضي وتتشمت باللاعبين

تكدر تلعب كتاجر فقط وتدعم الدولة تتاجر بالمنتجات وتطور شركاتك وتصنع معدات حربية وتتاجر بيها

تكدر تقامر بالصناديق وممكن تربح وممكن تخسر كل فلوسك وترجع تجمع

البداية الصحيحة

اولا: تحتاج تفهم شنو جاي تسوي وشنو معنى كلشي موجود كدامك حاليا

شلون تتعلم بكل سهولة سوينالك مقطع فيديو تعليمي علمودك

by: 8Mint

ثانيا

تحتاج تدخل للديسكورد

ليش ؟

لان مجتمعنا يتواصل بالديسكورد بشكل سهل وسريع

التعليمات والاوامر من الديسكورد

شرح للسياسات وللخطط من الديسكورد

اوامر الوحدات العسكرية من الديسكورد

غيرها شنو

راح نبنيلك المهارات حسب مستواك

غيرها شنو

راح نكلك شوكت تدخل حرب وشنو تشتري من معدات وشوكتت تهجم مستقبلا

غيرها

عدنا فعاليات هواي والشباب دائما متواجدين بالشات العام

شلون تقدم للديسكورد ؟

اضغط على علم العراق ثم الديسكورد

اول ماتدخل افتح تكت دزلهم صورة من حسابك اذا ماعرفت تلكه فيديو شرح شلون تقدم

ثالثا

شنو تسوي بعد هذا كله

هنا لازم تنتبه عليه حتى ماتحتاج شرح من اي احد

اولا:المهام

اول ماتدخل عندك 3 انواع من المهام البداية والاسبوعي واليومي

كمل المهمات حسب الي تفتهمه والي مافهمته هنا لازم تسال بس

المهمات من تكملها تنطيك اكس بي والاكس بي يزود مستواك ومن تصعد مستواك تحصل نقاط مهارات

وراح اشرحلكم المهارات

ثانيا من ثالثا :شركاتك

اول ماتفتح اللعبة راح تحصل شركة مجانية من اللعبة

شنو لازم تسوي انت؟

تطورها عن طريق الضغط عليها وتطور المحرك التلقائي

شلون عن طريق الستيل الشيلمان وتكدر تشتري من السوك

غيرها؟

لازم تبني شركات بعد

عن طريق البلوك او الخرسانة

خلينا نكول بنيت شنو الازم تنتبه عليه

اول ماتبني شركة لازم تسويها خام يعني حجر او حديد او خشب او نفط عادي كله نفس الربح او فرق بسيط جدا

وراها تحدد موقع الشركة تخلي على اعلى نسبة

النسبة تصير لونها اصفر مثلا عندك حجر تخلي الموقع بالعراق تحصل بونص 60% هذا البونص يزيد الانتاج عندك

بس انتبه كل ما زاد البونص زاد الانتاج الكلي للاعبين وقل السعر

راح يقل بفترة ويرجع

تكدر تسوي خام حجر وتسوي شركة بلوك

نفس الشي

لا يجي واحد لفل 15 وفوك وماعنده بس كم شركة وما مطورهن لحد محرك تلقائي لفل 5

اسويكم ميمز اذا الكاكم

والاهم لا تتفلسف ولا تعاند ولا كل شوي مغير انتاج عبالك هذا بي فلوس اكثر لان راح تخسر

يعني لا تجي تكلي هذا اغلى وبي ربح اكثر لان احنا نواب هنا ماعدنا هاي الاحصائية

ثالثا من ثالثا

شنو تسوي من توصل مستوى 8

تلم كلشي عندك وتبيع اي شي لا تبقي لا عتاد ولا سلاح ولا اكل

تبيع كلشي وتشتريلك سجينه ام الياي وتعارك بيها

ليش لان هاي الفلوس تفيدك بالتطوير لان الاهم تطور مصانعك بسرعة حتى تختصر على نفسك الوقت

انت مستواك اقل من 18 ومهاراتك مو حربي لا تستخدم سلاح ولا دروع لان هاي الاسلحة والدروع ماراح تكدر ترجع قيمتها وراح تخسر بس بدون فائدة

رابعا:الموظفين

ممنوع منعا باتا تخلي موظفين وانت مستواك قليل ليش ؟

لان الموظف يريد فلوس ويريد مخزن

الفلوس انت تحتاجها حتى تطور مصانع لان هي خلالات العب تجيبها منا وتردها منا بالبداية

يعني انت عند راس مال لازم تداوره من تخسره لموظف براتب عالي او قليل راح تتاخر بالتطوير

والعمال مايفيدونك الا بكم عملة اذا حصلت واحد يقبل براتب قليل

ومحد راح يقبل وراح ياخذون المالات ويطفرون

وحيل بيك تستاهل

شنو الفائدة الحقيقية من الموظفين

من تكون الضريبة قليل وتنزل الراتب وتبيع بسعر عالي تربح كم عملة

الفائدة الحقيقية هي ثروة الدولة من الضرائب وراح تشوف كل الشباب مشغلين برواتب عالية حتى يفيدون بلدهم بس

خامسا

قضية الاراضي والسياسات مسويلكم روم خاص نشرحلكم كلشي باللعبة من تحالفات وحروب بالديسكورد بقائمة وزارة الاعلام بروم ابعاد سياسية بادارة الدكتور علي حامد المعاون الاداري لوزير الاعلام