" قوة النهاردة....سيادة بكرا"
إلي شعب مصر
النجاح في عالمنا مش بس بمين عنده أكبر جيش، النجاح الحقيقي بيبدأ من الأساس القوي. السيف مش هيكون حامي إلا لو وراه اقتصاد قوي صنعه.
اولا: مين هو ريتشارد واترسون؟
أنا مش بتاع سياسة ، ولا جاي هنا عشان أديكوا وعود في الهوا. أغلبكم عارفني من شات الديسكورد علي قناة شات، ومن شات المساعدة و الشرح، و من الوقت اللي كنا بنحكي فيه مع بعض علي قناة المساعدة الاقتصادية و بجاوب علي اسئلتكم, او من قرايتكم لمقالاتي علي قناة اخبار الإقتصاد.
ثانيا: وعدي ليكم و برنامجي
لو إديتوني صوتكم، أنتوا مش بتختاروا مجرد اسم؛ أنتوا بتختاروا ممثل ليكم. الشرح هيفضل مفتوح للكل، وتركيزي هيكون على 3 حاجات أساسية:
النمو للكل: هحارب عشان قوانين تخلي اللاعبين الجداد والمتوسطين يبنوا ثروة حقيقية، مش بس الـ 1% اللي فوق.
استقرار استراتيجي: هستخدم خبرتي عشان أحمي السوق وأحافظ على استقراره، عشان مجهودكم ومواردكم قيمتها ما تضيعش في يوم وليلة.
إرشاد ودعم مباشر: حتى وأنا عضو كونجرس، مش هبطل أساعد أي حد فيكم "واحد لواحد". نجاحكم الشخصي في الاقتصاد هو أساس قوتنا كلنا
يلا نبني عصر الرخاء
في "وار إيرا"، المعارك بتتحسم في الميدان، بس الحروب بتكسبها الدول اللي تقدر تتحمل التكلفة. أنتوا تستحقوا حد بيفهم في لغة الأرقام اللي ورا القوة دي. أنا قضيت وقتي كله ببني في مستقبلكم؛ ودلوقتي جه الوقت اللي أبني فيه مستقبل دولتنا.
أنا ريتشارد واترسون.. وبطلب صوتكم، وثقتكم.
"نجاحكم.. هو استراتيجيتي."
