عنوان الحلقة: مواجهة مباشرة مع الرئيس السابق في "حققنا 120 مليون ضرر، وهذه هي حقيقة الخيانة والتسريبات!"
[مقدمة البودكاست]
المذيع بصوت الررروكس
مرحباً بكم في بودكاست الروووكس الحلقة ديال اليوم ما فيهاش لغة التبرير، معنا الرئيس السابق باش يواجه الأسئلة الصعبة، يهضر على الأرقام القياسية، الخيانات فالساعات الأخيرة، وحقيقة ما جرى في الكواليس. نبدؤوا المواجهة مباشرة!
المذيع
خلينا ندخلوا فالمفيد وبلا زواق. البلاد اليوم محتلة، المقاطعات كاملة مشات، والـدماج كان ضعيف ومشتت فآخر المعارك المصيرية. شنو كتقول للناس اللي كيحملوك المسؤولية المباشرة هاد الفشل العسكري؟
الرئيس السابق zakariael
بلعكس! فآخر معركة حققنا رقم قياسي في الضرر وصل لأكثر من 120 مليون، بزيادة ديال 100٪ على آخر حرب كانت. إذن إلا كتقول لي ضرر ضعيف، فمعناه أنك مشفتيش الحرب الأخيرة على ما أعتقد. أنا صراحة لا أرى أي فشل، بل القيادة البرتغالية نفسها اعترفت بلي درنا حرب قوية، ماشي غير هي، بل العديد من الدول اعترفت لينا بلي فتنا المتوقع في آخر حرب. وما تنساش راه حنا كنحاربو ضد أقوى جوج في العالم؛ ألمانيا والبرتغال، وحتى إسبانيا وفنزويلا ما تنساهمش!
المذيع
بعد ما طاحت البلاد، بزاف كيشوفو بلي الهزيمة كانت بسبب سوء الإدارة العسكرية والخلل في الاستراتيجية أو التواصل. شنو الواقع الحقيقي للقرارات اللي اتخذتي؟
الرئيس السابق
هاد السؤال جاني غير من بلاصة ماشي هي هاديك. راه حنا مع كل معركة كنتطوروا؛ أول حرب درنا فيها 50 مليون، والثانية 60، وفي التالتة وصلنا لـ 120. القوة ديالنا كانت كتكبر مع كل حرب، وكان ممكن تكون أكتر من هكاك، ولكن للاسف اللي وقع في آخر ساعات وخيانة بعض الجهات هي اللي خلاتني نتنازل على المنصب ديالي.
المذيع
هناك اتهامات صريحة كتقول بلي الفترة ديالك تم فيها تقديم المصالح الشخصية والتحالفات الضيقة على مصلحة الدولة. شنو ردك؟
الرئيس السابق
عطيني دليل واحد على أني قدمت مصلحة شي دولة أخرى على المغرب! في وقت الحرب، راني خليت دول تقلب حروب ديالها وتجي تضرب معانا في الحرب ديالنا. ناس خاوية حروب عندهم وجاو يوقفوا معانا، ففين هي هاد المصلحة الضيقة؟
المذيع
وبخصوص التواصل مع الشعب، الناس كتقول بلي كنتو غائبين ومتجاهلين لنداءات المواطنين؟
الرئيس السابق
بلعكس، راه درنا لقاءات مع الشعب باش نعرفو الشعب شنو باغي، وكنا يوميا متواجدين باش نعرفو الأوضاع ديالهم، وراه باقي كلشي موثق ومخزّن في الديسكورد.
المذيع
وكيفاش كتفسر الاتهام اللي كيقول بلي كنتو كتديرو "Mute" و"Block" وكتتمسحوا النقد ديال اللاعبين باش تغطيو على الفشل، واش الغرف المغلقة كانت لإسكات الأصوات؟
الرئيس السابق
لا، عمر شي فكرة كانت موافقة للمنطق وعقلانية تمسحات. بالعكس، ديما كان الترحيب بجميع الأفكار المنطقية والعقلانية. "البلوك" كان فقط لمن كان كيتطاول ويسب الناس؛ حنا بشر ماشي حيوانات باش نقبلوا على راسنا داك المستوى من قلة الأدب.
المذيع
القرار اللي اتخذه وزير الدفاع السابق بالدخول فحرب مفتوحة قبل استقالته، واش ما كانش تضحية بالموارد وحرق لخزينة الدولة فمعركة خاسرة؟
الرئيس السابق
ديك القرار تم في الفترة ديالي وأنا مسؤول عليه، وكان من أجل تشتت العدو ورد الجميل لنيجيريا اللي حطت معانا 27 مليون ضرر في آخر حرب. وما تنساش راني كنت رئيس المغرب اليوم، وكانت باقة عندي الصلاحيات قبل ما تسالي الفترة ديالي. وما كانتش تضحية بالموارد، هي حرب تشتيت، وهادي ماشي أول مرة كنديروها، بالعكس الدراري ديما كيحافظوا على الموارد ديالهم.
المذيع
لو يرجع بيك الزمان لذيك الفترة، شنو الحاجة الوحيدة اللي غتغيرها فإدارتك للأزمة؟
الرئيس السابق
مغاديش نحط ثقتي في ناس لا يستحقون؛ (ومكندويش هنا على القيادة ديالي اللي كانت داعمة ليا من أول نهار).
المذيع
والناس اللي كاتقول بلي نتا كنتي غي مسير من طرف أشخاص آخرين، شنو تقول ليهاد الهضرة؟
الرئيس السابق
كانت عندي الصلاحيات كلها خلال فترة ديالي، وأنا اللي طلبت شخصياً من الرئيس السابق يكون مستشار ديالي؛ الخبرة ديالو لا يمكن الاستغناء عليها، والحمد لله كان في المستوى وأدى الواجب ديالو وأكثر.
المذيع
في الأخير، شنو الكلمة اللي تبغي توجهها للاعبين والمواطنين اللي باقيين كيحملوك مسؤولية الوضع الحالي؟
الرئيس السابق
معنديش صراحة حتى حاجة من غير كونو عقلانيين. وعندي واحد المثل كنقولو ديما: "البقرة كتشوف غير الربيع مكتشوفش الحافة". المغاربة خصهم يشوفوا الحافة ويسولو على كل حاجة بتدقيق. وبنسبة لتحميل المسؤولية، أنا مستعد نطلع في حوار مباشر مع أي واحد ويقول لي داكشي وجهاً لوجه، وأنا عند كلمة ديالي!
[خاتمة البودكاست]
المذيع بصوت الرووووكس
بهذا نكونو وصلنا لنهاية هاد الحوار الناري والمباشر من بودكاست الروووكس الرئيس دافع على إنجازات الحرب بالأرقام وحمل المسؤولية للخيانات، ولكن الحكم النهائي كيبقى لكم أنتم يا أبطال السيرفرات. نتلاقاو في حلقة قادمة! لاتنسو دعم و لايك و البرطاج لتتمة هدا البرنامج بنجاح