خلينا نقولها ببساطة:
البلد محتاجة ناس تساعد، تتحرك، وتكون جزء من اللي بيحصل فيها، مش مجرد أعضاء موجودين في حزب عشان الاسم وخلاص.
عشان كده بنفتح الباب لكل لاعب عايز يكون له دور حقيقي.
مش مهم انت لاعب قديم ولا جديد، ومش مهم عندك خبرة في السياسة ولا لسه بتتعلم. المهم تكون عندك رغبة إنك تساعد بلدك وتشارك بدل ما تفضل مستني حد تاني يبدأ.
في صُنّاع القرار كل شخص له قيمة، وكل فكرة ممكن تكون بداية لحاجة أكبر. عايزين ناس تتناقش، تقترح، تساعد، وتشتغل مع بعض عشان نرفع مستوى البلد.
وطبعًا مش هنقول إننا أحسن حزب موجود... لأننا مش عايزين نحرج باقي الأحزاب من بدري. 🙂
لكن خلينا متفقين على حاجة:
لو انت عايز تفضل تتفرج على اللي بيحصل، عندك اختيارات كتير.
أما لو عايز تكون من الناس اللي بتشارك في صنع اللي بيحصل...
فأنت عارف تروح فين.
انضم لصُنّاع القرار، وساعد بلدك، وخلي وجودك له معنى.
وبالنسبة للي متضايق من اسم الحزب...
متقلقش، مش هنغيره عشان خاطرك. 😏