🇪🇬 مش عيب إنك جديد.. العيب إنك ترفض تتعلم

لما تكون لسه جديد في اللعبة، طبيعي جدًا إنك متكونش عارف كل حاجة

المشكلة مش في إنك جديد، المشكلة لما تاخد قرار من دماغك من غير ما تسأل حد عنده خبرة

ممكن تشوف القرار بسيط، لكن في دولة كبيرة، قرار غلط واحد ممكن يكلف موارد، يبوّظ خطة، أو يأثر على لاعبين كتير غيرك. وساعتها مش إنت لوحدك اللي هتتحمل النتيجة

عشان كده، اسمع للي عندهم خبرة. مش معنى كده إنك تمشي ورا أي حد من غير تفكير، لكن اسأل، افهم، واتعلم من اللي سبقوك

اللي عنده خبرة غالبًا مش بيحاول يضرك، بالعكس، هو بيحاول يوفر عليك أخطاء هو نفسه اتعلم منها

وفي نفس الوقت، إحنا محتاجين حماس اللاعبين الجدد وأفكارهم، لأن كل لاعب جديد النهارده ممكن يبقى صاحب خبرة بكرة

🏛️ عايز تتعلم وتساعد؟

لو عندك وقت وحابب يكون ليك دور حقيقي، خش الديسكورد واتكلم مع الناس هناك. هيساعدوك تعرف أنهي وزارة مناسبة ليك، وتنضم لها، وتبدأ تساعد وتتعلم خطوة بخطوة

الخبرة بتتنقل.. والبلد بتكبر بينا كلنا

🇪🇬