عشان تكسب أي حرب كبيرة في اللعبة، انسى خالص فكرة "الهجوم الغشيم" والكل يضرب في وقت واحد. الحرب نَفَس طويل، واللي بيصمد للأخر هو اللي بيرفع علم بلده. وعشان كدة هنقسم القوة العسكرية لـ 3 فرق، كل فرقة ليها "طلعة" في وقت محدد.
مين دول: الوحوش اللي ليفلهم متوسط وعالي، ومعاهم عتاد محترم في المخزن.
مهمتهم: دول اللي بيفتحوا المزاد.. يسخنوا الحرب، ويكسروا أول خط دفاع للعدو، ويعلوا الـ Damage من أول دقيقة.
مين دول: الناس اللي "نفسها طويل"، معاهم أكل وطاقة ومخزون يفتح بيت.. جاهزين يسدوا أي عجز.
مهمتهم: يثبتوا الجبهة في نص الحرب، وميخلوش العدو يشم نفسه ولا ثانية.
مين دول: "الهوامير" والحيتان الكبار.. أصحاب أعلى ضربة (Damage) وأكبر "هيلث" في اللعبة.
مهمتهم: دول "الرجالة" اللي بينزلوا في آخر 10 دقايق يخلصوا الليلة بضربات قاضية.
تبدأ فرقة الفداوية بالهجوم. الهدف مش إننا نخلص الحرب دلوقتي، الهدف إننا نجرجر العدو ونخليه يصرف "الإنرجي" والعلاجات اللي معاه كلها في الأول.
نصيحة: اوعى تخلص طاقتك كلها في أول جولة، خليك ذكي وحافظ على ريتم ضرب ثابت يوتر اللي قدامك.
هنا دور فرقة السند. لما المدافعين يبدأوا يتعبوا ومخزونهم يقل، تنزل الفرقة دي بضربات منظمة تسد أي ثغرة وتكمل اللي بدأته الفرقة الأولى.
الهدف: نكسر نفسية العدو ونعرفه إننا لسه بخيرنا ومعانا "احتياطي" مرعب.
قبل ما وقت الحرب (الموجز) يخلص بحاجة بسيطة، تنزل فرقة الخلصانة. هنا بقى "مفيش ياما ارحميني"، نفتح المخازن ونضرب بكل قوتنا (Max Hit).
الهدف: السيطرة النهائية على المنطقة وتأمين المراكز الأولى في الرتب العسكرية.