يا جماعة، بدل ما نصرف مليارات على حلول الكهرباء والمولدات اللي السحب مالها يقطع النفس، جاء الوقت اللي نفكر بيه "خارج الصندوق"... بل خارج المجرة كلها!
🏗️ المشروع المظلي العملاق:
1. أربع عواميد بحديد مظبوط: نزرع أربع عواميد عملاقة على أطراف وحدود العراق (واحد بالبصرة، واحد بزاخو، واحد بالرطبة، وواحد بالبدرة).
2. جادر طاقة شمسية: نمد بين هاي العواميد الأربعة سقف كامل من الواح الطاقه الشمية.
3. ضرب عصفورين بحجر:
الأول: نغطي العراق كله بفيّ ونخلص من شمس الصيف اللي تطبخنا طبخ!
الثاني: الألواح راح تطلع لنا كهرباء تارس البلد، ونكوم نصدّر كهرباء حتى لأوروبا!
النتيجة المتوقعة: العراق يصير أكبر غرفة مبرّدة بالعالم، والوطنية تصفي 24 ساعة، والمولدات الشارع يبيعوها خردة بالسوق العتيق! 😂