السقوط الي الهاويةبعد 500 متر

بسم الله الرحمن الرحيم

انا هحاول اتكلم في كام حاجة بتحصل في اللعبة دي وتقريبا كله ملاحظها

بقالي في اللعبة دي حاليا شهرين ونص

اللعبة دي نظامها ببساطه لأي جد عنده بربع جنيه فهم :

لعبة جماعية بتحاكي الواقع بنسبة كبيرة في التشابه بينهم

اول لما دخلت كانت الامور تمام لحد كبير كان في مجموعه من الشباب اللي بتلعب

اللعبة من اول ما بدأت واللي بالتتابع ضافوا اصحابهم وعملوا دعاية للعبة وبنوا

نظام معين للعبة مع بعض وعلي قدر استطاعتهم وفهمهم للعبة كانوا بيمشوا

الدنيا في اللعبة مع بعض وده طبعا من خلال الديسكورد عشان سهولة التواصل

بينهم

اللي بيحصل بقي حاليا ان فيه ناس من اللي دخلت اللعبة بعد كدة مش بتشارك

ولا بتتواصل مع باقي اللاعبين اللي علي الديسكورد وكل اللي تعرفه عن اللعبة

صفحة اللعبة والشات بتاع اللعبة فقط لا غير

وطبعا عدم التواصل مع اللاعبين اللي موجودين اصلا من البداية ويعتبروا من

الاسباب الاساسية اللي خلت فيه لعبة اصلا ودولة اسمها مصر وداخلين بسببهم

اللعبة عشان نلعب كلنا وننبسط

انقطاع التواصل ده خلي بعض اللاعبين تشوف ان اللعبه دي احتكار علي الناس

بتاعت الديسكورد ونظرية المؤامرة اشتغلت والبعض منهم اعضاء في الحكومة

بدأوا يخربوا اجواء اللعبة فقط عشان ينتقموا من بعض لكراهية شخصيه غير مبررة

وده بيجي في الاخر علي حساب باقي اللاعبين والدولة والنظام اللي كان ماشي بيه اللعبة

!ايه الحل ؟

ببساطه اللي عاوز المصلحة العامة للكل يتحد معاهم ويقول وجهة نظره ويشاركهم

ويخلي اللعبة مكان اجمل مش انه يخرب ويهد اللي ناس غيره تعبوا فيه وبنوه من

وقتهم ومجهودهم ويحترم الناس زي ما يحب ان الناس تحترمه

وربنا عز وجل امرنا في كتابه العزيز بكل اللي محتاجين نحققه لمصلحتنا

أولاً: آيات تحث على الاتحاد والوحدة ونبذ التفرق

• سورة آل عمران (آية 103):

  ﴿وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ وَاذْكُرُوا نِعْمَتَ اللَّهِ عَلَيْكُمْ إِذْ كُنْتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُمْ بِنِعْمَتِهِ إِخْوَانًا﴾

• سورة المائدة (آية 2):

  ﴿وَتَعَاوَنُوا عَلَى الْبِرِّ وَالتَّقْوَى ۖ وَلَا تَعَاوَنُوا عَلَى الْإِثْمِ وَالْعُدْوَانِ﴾

سورة الحجرات (آية 10):

﴿إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرَْحَمُونَ﴾

واخيرا بعتذر علي الاطاله واتمني يسود الحب بين اللاعبين لان في الاصل كلنا اخوات

مهما اختلفنا والاتحاد قوة والفرقة ضعف خلونا كلنا نتحد مع بعض علي كلمه واحدة

واللي عجز عنه الناس في الحقيقة بره اللعبة

نحاول نحققه هنا كلنا سوا

شكرا لكل انسان محترم اداني من وقته ومجهوده ووصل لحد هنا

بشكرك بشكل شخصي واتمني نكون اصدقاء عن قريب