البداية الحقيقية - من المستوى 7 الي ما بعده ⚠️

📚 دليل 02 — الحفاظ على الاقتصاد💰

بعد ما فهمت أساس اللعبة وعرفت تركز على إيه في البداية، ووصلت المستوى 7… هنا بقى تبدأ اللعبة الحقيقية 🔥

إحنا قلنا إن عشان تحارب بشكل مستمر، لازم يكون عندك المستوى عالي + دخل كويس يقدر يخليك تستمر في الحروب لأطول فترة ممكنة.

وده مش هيحصل عشوائي؛ لازم تتبع التعليمات، لأن الشروحات دي مبنية على تحليلات ودراسات لأفضل طريقة للتطور والحرب.

أصل إنت جاي تحارب… مش داخل المزرعة السعيدة 😂⚔️

«⚠️ مهم جدًا: التوصيات دي موجهة للمبتدئين، وفي نفس الوقت تعتبر من أهم الملاحظات اللي لازم تركز فيها، لأن تنفيذها صح هيفرق معاك جدًا في سرعة تطورك.»

✅ تعمل إيه؟

انت وصلت للمستوى 7 معنى كدا ان المتجر عندك فتح

1️⃣ بيع أي حاجة معاك

بيع أي حاجة موجودة عندك، ماعدا الفولاذ و الطوب .

2️⃣ استغل كل فلوسك في التطوير

أي فلوس معاك حاول تستغلها في تطوير وبناء المصانع بدل ما تصرفها على حاجات مش هتفيدك في المرحلة دي.

3️⃣ اتعامل صح مع الأسلحة والمعدات

🔵 أزرق أو أعلى: بيعهم في السوق.

⚪ رصاصي أو 🟢 أخضر: فككهم وبيعها.

4️⃣ المهمات اليومية مش محتاجة تسليح قوي

عشان تخلص المهمات، هتحتاج تعمل دمج بسيط باستخدام سكاكين ودروع رصاصي.

❗ ماتضربش بأكتر من السكاكين.

السكاكين كفاية جدًا عشان تخلص مهمات الضرب على مدار اليوم، وأي سلاح أو عدة أعلى من كده الأفضل تبيعها وتستغل فلوسها في تطوير المصانع.

5️⃣ لو هتشتري معدات للمهمات

ممكن تشتري سكاكين ومعدات رمادي، بس على قد احتياجك للمهمات اليومية.

❌ ماتضربش حتى بالأخضر.

6️⃣ بيع الصناديق في البداية

يفضل في البداية إنك تبيع الصناديق وتستخدم الفلوس في تطوير المصانع.

7️⃣ خد بالك من ترتيبك في السوق

وأنت بتبيع أو تشتري، حاول تكون الأول في الصف.

ولو هتزود أو تقلل السعر، اعملها بـ 0.001 بس.

💡 هتفهم أهمية النقطة دي أكتر لما تبدأ تدخل السوق وتشتري وتبيع بنفسك.

8️⃣ اضرب مع أوردر مصر أو الوحدة 🇪🇬⚔️

حاول تضرب مع الأوردر بتاع مصر أو الوحدة عشان تضمن إن الـ Damage بتاعك يكون أعلى وتستفيد بشكل أكبر من الضربات.

🚫 أوعى تعمل الحاجات دي

1️⃣ متحطش أي مهارات في الحرب

خلي الـمهارات للاقتصاد فقط، ومتستخدمهاش في الحرب.

2️⃣ ادخل وحدة عسكرية عند المستوى 10

لما توصل المستوى 10، ادخل وحدة عسكرية وابدأ تتبرع يوميًا.

الهدف إنك تساعد في تطوير الوحدة لحد ما تعمل Max، وفي نفس الوقت تستفيد منها في الحرب.

3️⃣ ⚠️⚠️متشغلش عمال بدري⚠️⚠️

❌ ماتشغلش عمال خالص إلا لو سألت حد فاهم في النظام.

موضوع العمال فيه تفاصيل كتير جدًا، والخسارة فيه سهلة، فـ كبر دماغك منه لحد المستوى 18 على الأقل.

4️⃣ متطورش الـ المخزن

❌ ماتطورش المخزن في المصانع خالص.

5️⃣ متتجاهلش تبرعات الوحدة

تبرعات الوحدة مهمة جدًا لتطورك.

❌ تجاهل نظام التبرعات معناه إنك بتعطل تطورك بنفسك، لأن الوحدة هي اللي هتساعدك تعرف تحارب بشكل أفضل.

6️⃣ أوعى تقامر في الصناديق 🎰

الصناديق مش مكان للمقامرة.

القمار حرام.

7️⃣ متشتريش سلاح أعلى من احتياجك

❌ متشتريش أزرق أو بنفسجي أو حتى أخضر عشان الحرب.

الرمادي كفاية جدًا وهتقدر تخلص بيه مهمات الضرب على مدار اليوم.

🔥 الخلاصة

في المرحلة دي هدفك الأساسي هو:

⚔️ فلوس💰⬅️ مصانع🏭 ⬅️ تطور📈 ⬅️ حرب

ماتحرقش مواردك على أسلحة ومعدات قوية من بدري، وماتدخلش في أنظمة مش فاهمها.

كبر اقتصادك الأول… وبعدها ابدأ ابنِ قوتك الحربية.

لأنك مش داخل المزرعة السعيدة 😂

إنت داخل تحارب وتكسب. 🇪🇬⚔️

#MINISTRY_OF_EDUCATION