حابب أوضح للجميع إني قررت أبعد عن الحكومة، وعدم دخولي الكونجرس، وكمان هسيب وزارة الدفاع.
والسبب بكل بساطة إن حرفيًا الحكومة مش مديّة الكونجرس أي صلاحية حقيقية يعمل بيها أي حاجة.
أنا قدمت اقتراحات كتير، وحاولت أقدم حلول وأفكار تساعد في تسهيل الأمور، وتقلل الضغط على الحكومة، والأهم إننا منخسرش لاعبين واستثمارات كتير.
لكن في النهاية، كل اللي تسمعه:
"ماشي هننفذ."
وبعدها؟
مفيش تنفيذ.
موستر وعدني بحاجات كتير إنه هينفذها، ومنفذش. ووعدكم إنتوا كمان يا شعب بحاجات، وبرضه منفذش حاجات كتير.
───
وهنا لازم أقولها بصراحة:
إنتوا عايشين في وهم.
حلف ضاغط عليك بقاله شهرين أو تلاتة، ومش عارف تاخد بونص ولا تقوي اقتصادك.
بدل ما تحل مشكلة السودان، الموضوع لا كبرته ودخلت في حروب، وبقت بالنسبة لك عقدة مش قادر تتخطاها.
آه، عملت معاهم اتفاق.
طب إيه الفايدة؟
وهم لسه في حلف الـ"بير"، ولسه الوضع زي ما هو.
وبعت أراضي فلسطين وأراضي إسرائيل للبنان تحت مسمى اتفاقية.
طيب، إيه الإنجاز الحقيقي هنا؟
───
الحكومة فقدت شغفها باللعبة
ولما الحكومة تفقد شغفها باللعبة، ليه تكمل في شيء أنت أصلًا فاقد شغفك فيه؟
شايف إن الموضوع متعب، ولزمن الناس تفوق.
مش كل حاجة أرقام.
مش كل مرة تقول:
"معرفش إنجاز."
"بصوا على الأرقام."
"بصوا عملنا إيه."
كل ده عشان Propaganda مش أكتر.
والفترة مش هتخلص عند 3 فترات، دي هتزيد عن 3 فترات، ونفضل ماشيين بنفس الطريقة ونفس الأسلوب.
───
والشعب؟
الشعب برضه معمي.
مش شايف.
ومش بيوصله أي حاجة أو توضيح حقيقي من الحكومة عن ليه القرارات دي بتتنفذ.
خليك معمي.
خليك ماشي ورا الأرقام.
خليك مصدق كل حاجة بتتقالك.
🇪🇬 مصر محتاجة تغيير
مصر مش هترجع قوية غير لما تغير دماء.
تجيب ناس جديدة.
ناس عندها شغف.
ناس عندها طاقة.
ناس عايزة تقدم حاجة فعلًا للبلد.
مش ناس مكملة لمجرد إنها تكمل فترة تانية أو تالتة.
أنا بقول اللي شايفه قدامي.
حاولت أساعد.
قدمت اقتراحات.
حاولت أسهل الأمور.
حاولت أخلي الكونجرس له دور حقيقي.
لكن في النهاية، لو الكونجرس ملوش صلاحيات، والاقتراحات مبتتنفذش، والوعود مبتتحققش، يبقى وجودي في المكان ده ملوش لازمة.
وعشان كده قررت:
أبعد عن الحكومة.