للكونجرس Mo3tazZ بيان ترشح

..الكونجرس محتاج تكتيك مش بس كلام

War Era يا شباب مصر العظيمة فى

.مساء الفل عليكم جميعاً

من غير مقدمات طويلة وكلام رصين ملوش لازمة، أنا نازل انتخابات الكونجرس الدورة دي، وجاي أتكلم معاكم في "الزتونة" وعلى بلاطة.

اللعبة دي مش مجرد زرار بندوس عليه عشان نضرب في أي معركة والسلام، اللعبة دي أساسها اقتصاد، إدارة موارد، وتكتيك صح. لو اقتصادنا واقع وحساباتنا غلط، مش هنعرف نضرب طلقة واحدة ولا نكبر في الخريطة اللي كلها حيتان دي

: عشان كده، برنامجي اللي هدافع عنه في الكونجرس بيركز على 4 نقط أساسية

: الأمانة والشفافية ( مصلحة البلد أولاً )

قبل أي حسابات أو تكتيك، أنا بتعهد قدامكم إني هكون أمين على البلد دي وعلى كل قرار هيطرح في الكونجرس. مفيش قرار هوافق عليه إلا لو كان بيخدم دولتنا فعلياً، مش مجرد مصالح شخصية أو تحالفات من تحت الترابيزة. صوتي هيكون مراية للي فيه الخير لمصر والمصريين في اللعبة

: الأرقام مابتكدبش (الاقتصاد)

ملعبي هو الحسابات والأرقام. هنراجع نسب الضرائب ونتناقش فيها عشان نضمن إن خزنة الدولة بتعمر وتزيد، بس من غير ما نخنق اللاعبين الجداد ولا نوقف حال أصحاب الشركات الكبيرة. لازم نظبط هامش الربح فى الاوقات المناسبة عشان السوق يتحرك صح

: توجيه الداميدج (تكتيك مش عشوائية)

الطاقة اللي بنحرقها في معارك ملهاش لازمة دي خسارة لينا. لازم يكون في تنسيق عسكري صارم عشان نضرب في المكان اللي يفيد دولتنا ويكبر نفوذنا ومواردنا. الضربة الموجهة بخطة بتكسب حروب

: ظهر وسند للجيل الجديد:

كلنا بدأنا اللعبة دي وكنا تايهين في القوائم مش عارفين نبدأ إزاي. هكون صوت اللاعبين الجداد في الكونجرس، وهدفع بقرارات توفرلهم دعم حقيقي وشروحات تخليهم يقفوا على رجليهم بسرعة، لأنهم ببساطة هما جيش بكرا.

من الآخر، الكونجرس محتاج حد أمين على البلد، عينه على الأرقام، وبيعرف يخطط للمستقبل مش بس بياع كلام. لو شايفين إن ده التفكير اللي محتاجينه الفترة الجاية، يشرفني جداً تصويتكم ودعمكم.

أخوكم/ معتز (Mo3tazZ)