تم تحديد الالوان حسب الاهميه
1️⃣ تطوير نظام المهام والإنجازات
2️⃣ شنو راح يصير بحسابك؟
3️⃣ تغيير شامل بألوان اللعبة
4️⃣ تأثيرات وأشكال جديدة للأسماء
5️⃣ الإعدادات صارت أسهل
6️⃣ إذا ما تكدر تدفع، اللعبة توديك للمكان الصحيح
7️⃣ تغيير بالواجهة
8️⃣ تحسينات الدردشة
9️⃣ تغييرات المعارك والتحالفات
🔟 الشارات والبطولات
1️⃣1️⃣ فتح الصناديق
1️⃣2️⃣ تحسينات الهاتف والمنصات
1️⃣3️⃣ البونص الجديد لمكامن الموارد
1️⃣4️⃣ إصلاحات ومشاكل
تم تغيير مكان المهام والإنجازات وصارت ضمن قسم التقدم، وانضافت عدة تغييرات:
إضافة قوائم إنجازات دائمة حسب النشاط، وما تنعاد من جديد.
نقاط الخبرة صارت تُستلم يدوياً عن طريق زر المطالبة.
ظهور شارة توضح مستوى ندرة الإنجاز اللي وصلت له.
إضافة مهام شهرية تتجدد يوم 1 من كل شهر.
إذا بدأت مجموعة المهام الشهرية بنص الشهر، ما راح يضيع عليك شيء، وإنما تنحسب عليك الأيام المتبقية.
إضافة مهام للمبتدئين، مثل الانضمام إلى حزب، التصويت بالانتخابات، إعادة المهارات والحصول على شارة.
مهام الحبوب أصبحت شهرية، من مرة إلى 3 مرات بالشهر حسب مستواك، ابتداءً من المستوى 5.
إضافة مهمة يومية جديدة وهي فتح الدردشة.
مكافأة المهمة الأسبوعية: 30 → 50 نقطة خبرة
مكافأة مجموعة المهام الأسبوعية: 500 نقطة خبرة
مكافأة المهمة الشهرية: 50 → 100 نقطة خبرة
وصار ممكن تشوف مهام وإنجازات أي لاعب من خلال ملفه الشخصي، وانضافت تصنيفات جديدة للإنجازات وعدد المهام المنجزة.
ماكو شيء راح يضيع من حسابك بسبب التحديث.
بعض الإنجازات القديمة راح تنفتح حسب تقدمك السابق، والمهام اللي سبق وأنجزتها تبقى محسوبه.
أما المهام الشهرية، فتبدأ مع بداية الشهر، والإنجازات والشارات تحتاج يوم حتى تظهر ندرتها وإحصائياتها بشكل صحيح.
صار نظام الألوان يغطي تقريباً كل أجزاء اللعبة، مو بس أماكن محددة.
الأزرار والعناوين والإشعارات والقوائم وغيرها صارت تتبع اللون اللي تختاره.
وانضاف أيضاً شعار جديد للعبة، وتم تعديل الألوان حتى تكون أوضح وأنظف.
تمت إضافة 6 تأثيرات متحركة جديدة لأسماء اللاعبين، مثل الوهج والشرارات والنار وغيرها.
وكذلك توسعت قائمة الخطوط من 7 إلى 24 خطاً، ومن ضمنها خطوط عسكرية وخطوط رعب وخطوط تاريخية وغيرها.
تم جمع إعدادات المظهر وتأثيرات الاسم والخطوط بمكان واحد.
وصارت خيارات الواجهة والخريطة واللغة والمعدات وحجم الخط والخلفية وغيرها مرتبة بشكل أفضل.
من هسه إذا حاولت تستخدم شيء وما عندك الموارد الكافية، ما راح تفشل العملية وخلاص.
اللعبة راح توديك مباشرة للمكان اللي تكدر تشتري منه الشي الناقص.
مثلاً:
إذا ناقصك جواهر → يوديك للمتجر.
إذا ناقصك مال → يوديك للسوق.
وإذا الدفع تابع لدولة أو حزب أو شركة عسكرية، راح يتم فحص مخزون الجهة نفسها.
الشريط العلوي صار بشكل عائم بدل ما يكون مثبت بحافة الشاشة.
وكذلك إذا تضغط على رصيدك، راح تشوف معاينة كاملة للمخزون والمعدات مرتبة حسب النوع والندرة.
تم إصلاح مشكلة التمرير بالدردشة على الهاتف.
هسه إذا رجعت تقرأ رسائل قديمة، تحميل الرسائل الجديدة ما راح يرجعك غصب إلى أسفل المحادثة.
هاي من أهم تغييرات التحديث.
🇮🇶 القتال من أجل بلدك
البونص الوطني ارتفع من:
+10% → +20%
يعني إذا كنت تقاتل بمعركة وأحد طرفيها هو بلدك، راح تحصل على ضعف البونص السابق.
ابتداءً من 1 سبتمبر 2026 راح يتغير نظام بونص التحالفات:
الحد الأعلى للبونص: +10% → +20%
النسبة اللي يقدر التحالف يوصلها قبل بدء العقوبة: 15% → 10%
بعد تجاوز النسبة، العقوبة تصير أقوى.
الحد الأدنى للبونص صار يوصل إلى -20%.
التحالف الكبير بشكل مبالغ بيه راح يتعرض لعقوبة بدل ما يكون فقط بدون فائدة.
كذلك تم رفع قيود الـ7 أيام مؤقتاً لغاية 3 سبتمبر حتى تقدر الدول تعيد ترتيب تحالفاتها قبل تطبيق النظام الجديد.
هسه تقدر تعرف شكد الشارة اللي عندك نادرة، من خلال نسبة اللاعبين اللي يمتلكوها والعدد الفعلي.
وأي شارة تحصل عليها راح تكمل مهمة المبتدئين الخاصة بالحصول على شارة.
أما بطولات التأهل، فتم استثناؤها من حد الندرة، والحد يبدأ من أول دور فعلي بالبطولة.
فتح الصناديق صار بطريقة جديدة.
بدل ما تظهر النتيجة مباشرة، راح تشوف شريط دوّار يوقف على الجائزة اللي ربحتها.
وإذا فتحت 10 صناديق مرة وحدة، راح تشوف عدة أشرطة تشتغل بنفس الوقت والنتائج تظهر وحدة وراء الثانية.
إمكانية إيقاف الاهتزاز من الإعدادات.
الإعداد ينحفظ على الحساب ويطبق على أجهزتك.
تحسين شاشة البداية على أجهزة آيفون.
تحديث تطبيقات الهاتف لتناسب متطلبات الأنظمة الحالية.
إضافة لغتين جديدتين: الإسبيرانتو والعبرية.
هاي نقطة مهمة جداً للاعبين اللي يعتمدون على الموارد.
بدل ما يكون بونص الإنتاج ثابت +30%، صار البونص عشوائي بين:
+20% إلى +40%
والبونص يتحدد لحظة اكتشاف مكمن الموارد ويبقى نفسه إلى أن ينتهي المورد.
يعني ممكن تلقى مكمن يعطي +20% وممكن تلقى واحد ثاني من نفس المورد يعطي +40%.
ولهذا بعض المكامن راح تكون قيمتها أعلى من غيرها، وممكن تستاهل تنقل شركتك لمكان أفضل.
والمكامن الموجودة حالياً بالخريطة تبقى على البونص اللي حصلت عليه وقت اكتشافها.
التحديث أيضاً حل مجموعة من المشاكل، منها:
إصلاح مشكلة الردود بالدردشة اللي كانت أحياناً تنرسل داخل محادثة غلط.
إصلاح مشكلة المكافأة الشهرية اللي كانت ترجع تظهر بعد المطالبة بيها.
إصلاح مشكلة إعادة تعيين المهام اليومية والأسبوعية، بحيث ما تقدر تستلم مكافأة الفترة الجديدة باستخدام مهام الفترة القديمة.