👨‍💼 هل توظيف المدير يستاهل؟ وشلون تختار المدير والراتب المناسب؟

من تفكر بتعيين مدير حتى تزيد إنتاجية الموظفين، لازم تعرف مو كل مدير تعيّنه راح يكون مفيد، ومو كل راتب تعرضه عليه راح يكون مناسب للشركة.

خلّينا نفهم الموضوع من ناحية حسابية، ونعرف متى يكون تعيين المدير مربح، وشلون تختار المدير والراتب الأفضل.

أولاً: هل توظيف المدير جيد أو لا؟

الجواب: يعتمد على وضع شركتك، وعدد نقاط إدارة المدير، والراتب اللي تعرضه.

المدير يضيف نقاط إدارته إلى نقاط إدارة صاحب الشركة (يعني البونص ينجمع)، وهذا يؤدي إلى زيادة إنتاج الموظفين.

لكن بالمقابل، لازم تدفع راتب للمدير. وكلما زادت نقاط الإدارة عند المدير يزيد راتبه.

فحتى تعرف إذا تعيينه يستاهل، لازم تقارن بين شيئين:

قيمة الإنتاج الإضافي: شكد زادت قيمة إنتاج شركتك بسبب المدير؟ •

راتب المدير: شكد تدفع إله باليوم؟ •

إذا قيمة الإنتاج الإضافي أكبر من راتبه، فالتعيين يحقق فائدة للشركة. (يعني اذا شركتك ضلت تنتج اكثر؛ هذا خوش مدير :)

أما إذا راتبه أكبر من قيمة الإنتاج الإضافي، فالتعيين راح يقلل أرباح الشركة. (اذا راتبه أعلى من الإنتاج مال شركتك؛ تخسر ):

يعني مو المهم أن المدير يمتلك نقاط إدارة عالية فقط، المهم أن تكون الفائدة اللي يضيفها أكبر من تكلفته.

ثانياً: شلون تختار الراتب الأفضل للمدير؟

راتب المدير يرتبط بعدد نقاط الإدارة اللي يمتلكها، والمبلغ اللي تتفق وياه عليه مقابل كل نقطة.

مثلاً، إذا المدير عنده 6 نقاط إدارة، واتفقتم على دفع 0.009 لكل نقطة:

أجره بالساعة: 6 × 0.009 = 0.054/بالساعة •

راتبه باليوم: 0.054 × 24 = 1.296/باليوم •

هنا يجي السؤال: هل هذا الراتب مناسب؟

حتى تعرف، احسب قيمة الإنتاج الإضافي اللي يضيفه المدير، وقارنها براتبه.

نصيحتي بالحساب: لا تختار أعلى راتب تگدر تدفعه، ولا تحدد الراتب لمجرد أن نقاط المدير عالية. حاول تحصل على أقل راتب يحقق اتفاقاً مناسباً إلك وللمدير، بشرط أن تبقى فائدة الشركة موجبة.

وحتى تعرف تأثير اختلاف الراتب، جرّب أكثر من قيمة في الحاسبة وشوف شلون تتغير النتيجة. (راح تعرف شنو الحاسبة بالاسفل)

ثالثاً: شلون تختار أفضل مدير؟

هنا أكو نقطة مهمة: المدير اللي عنده نقاط إدارة أكثر مو بالضرورة يكون الأفضل لشركتك.

مثلاً، ممكن يكون عندك مرشح عنده 9 نقاط إدارة، لكنه يتطلب راتباً مرتفعاً، ومرشح ثاني عنده 6 نقاط ويقبل براتب أقل.

لازم تقارن الاثنين حسب صافي الفائدة اللي يحققها كل واحد.

حتى تختار بشكل صحيح:

أدخل نقاط إدارة المرشح الأول وراتبه في الحاسبة •

سجّل صافي الفائدة الناتج •

كرر العملية للمرشح الثاني •

قارن النتائج •

المرشح الأفضل من الناحية المالية هو اللي يحقق أعلى صافي فائدة لشركتك، مو بالضرورة صاحب أعلى نقاط إدارة.

رابعاً: استخدم الحاسبة حتى تقارن قبل التعيين

حتى تسهّل عليك المقارنة، هاي الحاسبة تحسب تأثير المدير على إنتاج الشركة وتقارن قيمة الإنتاج الإضافي براتبه.

🔗 رابط الحاسبة:

https://war-era-calculator.netlify.app

الخانات المطلوبة:

Daily Employee Production (PP): إنتاج الموظفين اليومي الحالي. [ هذا تشوفه من تظغط على الشركة مالتك ]

Owner Management Points: نقاط إدارة صاحب الشركة. [هاي نقاط الإدارة مالتك انت موجودة في المهارات]

Manager Management Points: نقاط إدارة المدير المراد تعيينه. [نقاط الإدارة الخاصة بالمدير المُراد توظيفه]

Pay per Management Point: المبلغ المتفق عليه لكل نقطة إدارة. [المبلغ '0.0083 هذا المبلغ لكل نقطة إدارة[

Product Selling Price: سعر بيع المنتج اللي تنتجه الشركة. [سعر المنتج مثل الحديد تكدر تعرف السعر بالسوق

بعد إدخال البيانات راح تحصل على قيمة الإنتاج الإضافي، وراتب المدير اليومي، وصافي الفائدة.

الخلاصة

توظيف المدير مو دائماً قرار جيد أو سيئ؛ يعتمد على الأرقام.

إذا قيمة الإنتاج الإضافي أكبر من راتب المدير، فالتوظيف ممكن يكون مربحاً.

إذا الراتب أكبر من قيمة الإنتاج الإضافي، فالتوظيف مو مجدٍ من الناحية المالية.

لا تختار المدير حسب نقاط الإدارة وحدها، وإنما قارن بين نقاطه والراتب اللي يطلبه.

جرّب أكثر من راتب وأكثر من مرشح قبل ما تتخذ قرارك.

ملاحظة: الحاسبة تقديرية وتعتمد على صحة البيانات والافتراضات الحسابية المستخدمة فيها. وقد تختلف الأرباح الفعلية بسبب عوامل أخرى داخل اللعبة، لذلك اعتبر النتائج وسيلة للمقارنة والتقدير، مو ضماناً للربح.

بالنهاية لازم اذكر ان هذا التحديث بعده بالبداية وممكن أن يتم تغيير اشياء بالمستقبل، إن شاء الله اي تغيير يصير اضيفه وايضا اذا اكو شي خطأ اتمنى تصححولي وشكرا لقرائتك.