إعلان ترشحي لانتخابات الكونغرس في Warera

خوتي المغاربة وأبطال واريرا، معاكم أخوكم فريكوس، واليوم كنعلن ترشيحي لانتخابات الكونغرس الجاية. فـ واريرا، الكونغرس مسؤولية حقيقية ومفصلية كتأثر على الخزينة، السوق، والتحركات العسكرية ديال بلادنا. داكشي علاش البرنامج ديالي مبني نيشان على ميكانيزمات اللعبة باش نزيدو بالمغرب للقدام وندافعو على مصالحنا

الضرائب والموازنة فالمارشي غادي نركز على التصويت بذكاء على قوانين الضرائب. الهدف هو نخليو السوق عامر بالسلاح والماكلة بأثمنة مزيانة للدراري، وفي نفس الوقت نضمنو أن خزينة الدولة كتدخلها الميزانية الكافية. غنحمي المنتجين المحليين بلا ما نقتلو القدرة الشرائية ديال اللاعبين الجداد

إدارة الحروب والمعاهدات الدامج ديالنا غالي وماخصوش يضيع. أي قانون ديال إعلان العدو الطبيعي أو تجديد المعاهدات العسكرية غادي نصوت عليه بالتنسيق التام مع رئيس الدولة وقادة الكتائب. خصنا نختارو حلفاء اللي غيعاونونا بصح فالحروب ونحافظو على البونيس ديال المناطق ديالنا باش الإنتاج ما يطيحش

حماية الخزينة ماكاينش التصويت العشوائي على قوانين تحويل الفلوس للمنظمات. غادي نراقب مزيان فين كتمشي أموال الدولة، ونفس الشيء بالنسبة لقوانين طبع الفلوس باش نتفاداو التضخم ومانخليوش العملة ديالنا تطيح قيمتها قدام الذهب فسوق العملات.