⚔️ WarEra: خيال المآتة المصري على كرسي العرش

For English subscribers: This is the same most-recent article of mine, translated to Arabic.

سلام عليكم, ده المقال النزل واتضريت اترجمه للعربي عشان ناس كتير بتسأل إيه الحصل. 👋

البوست للسخريه ومش للتقويم علي ثوره والكلام ده.

خلينا نتفق على حاجة كدا في الأول: الموضوع مش هيفرق إذا كنتوا بتحبوني ولا لأ. وبصراحة, الموضوع أصلا مش عني. بس الكلام اللي هقوله ده للكل. ⚠️

المهم, أنا بلعب عشان أنا بجد بحب الاستراتيجية والرول بلاي—واللي, زي ما إنت عارف, ده السبب الوحيد اللي بيخلي الناس تضيع ساعات عليها بدل ما تقفل بعد خمس أو عشر دقايق. بحب اهزر وألعب بشخصية عم خفاجة للضحك وعشان أندمج مع الشباب. وضحكنا كتير يعني. 😅

نرجع لفبراير, رشحت نفسي للرئاسة. كسبت الانتخابات التمهيدية في حزبي والمنها بتمثل الحزب في الإنتخابات الرئاسيه, قلت أطلع واجرب حظي خصوصًا إني كان عندي وقت فراغ واقدر احسن حاجات كتير بمساعدة اللعيبه القديمه الخبره.

إيه الحصل؟ خسرت عشان في 10 أصوات سبحان الله (من أصل 38 صوت, خد بالك) ظهروا بقدرة قادر في آخر ساعة 🤯.
كلنا عارفين إيه الحصل. أنا حتى مكنش عندي صلاحيات في السيرفر أعمل منشن أو أثبت رسايل لحملتي—كنت حرفيا بلف على الشباب في الخاص واحد واحد زي الغلابة عشان أعمل دعايه اقدر انافس بيها. :)

آه, وطردوني من الحزب بعدها كمان. لول.

المهم الكلام ده عدي, شكله يعني الترشح للرئاسة بشرف ده ضد مبادئهم وقوانينهم في الحزب عادي. :D

بقى واضح جدا إن اللعيبة "القدام الخبره" مش اهم حاجه عندهم العدل ولا مستقبل البلد بربع جنيه. هما بس بيموتوا وعايزين يكلبشوا في ألقابهم الأسطورية اللي بتلمع وتنور قوز قزح في الضلمه عشان هما كانوا هنا من الاول وقبلينا.

ما علينا. أنا لسه بحب أساعد اللعيبه الجديده, بس أنت محتاج سلطة حقيقية عشان اجيب اخري في الكلام ده, وأنا أصلا مش فارق معايا الألقاب دي يعني انا مش هروح اتقدم بيها لواحده واقول لابوها "يا حج انا معيش فلوس بس انا وزير الدفاع في وور ايرا خلي بالك". أنا استعملت خبرتي كمبرمج ديسكورد وجرافيك ديزاينر (وده شغلي الاساسي كفري لانسر) عشان أصلح وأطور السيرفر المصري كله وساعدت جدا في الاستراتيجيات الاقتصادية. وكنت مستعد أعمل أكتر من كده, وأي حد يعرفني عارف ومتأكد من ده.

المهم, انتخابات مارس كانت هتبدأ كمان 3 أو 4 أسابيع. المرشح المنافس للرئيس الحالي طلب مساعدتي. وقت, مجهود, وشعبيتي كخفاجة—كان طالب كل ده. في المقابل؟ وعدني بمنصب نائب الرئيس وتطبيق نظام ديموقراطي حقيقي الناس بتاخد فيه المناصب بالشغل والكفاءة, مش بنظام أنا جيت هنا الأول فأنا احق منك.

الواد حتى حلف وأقسم بالله إنه هيديني منصب نائب الرئيس. والكذب كبيره من الكبائر وانا حقيقي مش مزعلني في الموضوع اكتر من إنه بيرتكب كبيره عشان لعبه.

المهم شيلته علي كتفي نص الشهر الباقي ده بحاله عشان أخليه يكسب. مكافأتي بقى؟ مفيش رد. ولا رسايل ولا مكالمات. جبان. طيب وحوار الحلفان بالله ده؟ أيوا, هو نظريا خلاني نائب الرئيس... لمدة ثانية بالظبط قبل ما يرفدني.

عمومًا انا انضج من كدا, مش مهم. أغلب اللعيبة القدام مش بيفضلوني عشان بتكلم في إن نظامهم مبني علي الإحتكار والغش ده.

ونادرًا لو واحد منهم ييجي ويقول رأيه لوحده, لازم يتجمعو في جروب ويقررو من ورا ضهرك, بدون نقاش.
محدش فيهم شجاع كفايه إنه يقول رأي ضدهم حتي لو هو شايفه صح.

بيعملوا نفسهم مش فارق معاهم مناصبهم, بس غالبا مش هيفتحو اللعبه تاني لو خسروها اساسًا.

آخر محاولة ليهم عشان يتلاعبوا بيا كانت إنهم يرمولي عضمة شفقة كدا وأعلنوا قدام الكل إنهم إدوني لقب وهمي إسمه "وزير التربية والتعليم" (مش في اللعبه اساسًا), من غير حتى ما يعرضوه عليا الأول (محدش خيرني اقبل او ارفض 🙂), كل ده وهما مكملين في تجاهل رسايلي ومكالماتي والمفروض إني أقبل عادي.

بتدعم خفاجة أو لأ, إنت مينفعش تكون إلا بني ادم براس بخاخه عشان تنكر إني اتعمل عليا أحلى اشتغالة هنا وإني علي حق.

عمومًا, أنا في الحقيقه شايف ان وقتي انا احق بيه عنهم ومكبر دماغي على الآخر, ومش هضيع وقتي اكتر من كدا في التهريج ده. اللعبة دي يا رجاله يادوب حوالي 5%-10% من يومي. كفايه هجص كدا.

ومش هعمل حمله إننا نشيل الرئيس الحالي رغم بجاحته وجبنه الواضح.
ربنا يسامحه علي قسمه الكدب عشان لعبه وخلاص.

تنويه: ده مجرد مقال بحكي فيه الحصل عشان لازم اقول الكلام ده. انا مش ضد مصر. ⚠️

البوست ده نزل بالإنجليزي وحصل علي إقبال جبار, رغم إني قولت إني مش هترجم المقال للعربي, اتضريت اعمل كدا بسبب شعبيته والرجاله المش فاهمه الموضوع.

أنا راجع ألعب اللعبة عادي واتجاهل المجتمع المهرج ده تمامًا. ✨

الخاص مفتوح لو عندكم أي أسئلة.

والبيلعب شطرنج يبعتلي نلعب سوا يا شباب. 🔥

❤️🤍❤️

ملاحظة: لو البوست ده اتعمله ديس لايكات, بص مين عامل ديسلايك وانت تعرف مين على حق. البوست معدي 100 لايك في النسخه الانجليزي واقل من 5 ديسلايك, احنا عارفين هما من مين وياريت متسمعش منهم لو بتحب الحق