رح كون مختصر كتير هالمرة وأحكي الزبدة، لأن في شغلة عم نشوفها عند كتير من اللاعبين وعم تكلفهم نفط وذهب بدون ما ينتبهوا:
إي نعم... الصندوق مجاني، بس الوصول لعنده مو مجاني.
خلينا نشرحها بمثال بسيط:
ظهر عندك صندوق بعيد، وقيمة الوصول إله بتعادل تقريباً 20 برميل نفط.
يعني:
بالروحة = 20 برميل
بالرجعة إلى ساحة المعركة = 20 برميل
المجموع:
40 برميل نفط!
وإذا اعتبرنا إن سعر البرميل أقل شي حوالي 0.2، فأنت فعلياً صرفت:
40 × 0.2 = 8
يعني دفعت حوالي 8 ليرات لتجيب صندوق سعره بالسوق أقل بكتير من هالمبلغ.
يعني ببساطة:
أنت ما ربحت الصندوق... الصندوق هو اللي ربح منك. 😂
هون ركّز منيح...
استنى لما يتجمع عندك تقريباً 4 أو 5 صناديق.
وبعدين نفّذ الخطة التالية:
اهجم بالمعركة ووصل لآخر طاقة حربية متاحة عندك.
ليش؟
لأنك أصلاً بحاجة ترجع لساحة المعركة لاحقاً، فالأفضل تستفيد من طاقتك الحالية قبل ما تبدأ رحلة جمع الصناديق.
بعد ما تخلص المعركة، تحرك باتجاه الصناديق وابدأ من الأقرب إلك.
وبعدين انتقل صندوق وراء صندوق، لحد ما يكون آخر صندوق هو الصندوق الأقرب لساحة المعركة بالجهة الثانية من العالم.
يعني بدل:
صندوق → رجعة → صندوق → رجعة → صندوق → رجعة
أنت بتعمل:
معركة → صندوق 1 → صندوق 2 → صندوق 3 → صندوق 4 → صندوق 5 → انتظار
هيك بتوزع كلفة الحركة على عدة صناديق بدل ما تدفعها كل مرة لصندوق واحد.
لااااا... لسا في حركة حلوة كتير.
بعد ما تجمع آخر صندوق:
لا ترجع للوطن مباشرة!
خليك بمكانك.
انتظر تقريباً 8–9 ساعات.
خلال هالفترة رح تكون طاقتك الحربية عبّت جزء كبير منها، وبنفس الوقت رح تكون ظهرت مجموعة جديدة من الصناديق على الخريطة.
وهون بتعيد نفس العملية:
صناديق جديدة ظهرت - اجمعها بالترتيب اتجه لساحة المعركة، وإذا ما في معركة خليك قريب من جنوب شرق آسيا لأن هنيك تحالفنا ومعاركه.
يعني بنفس رحلة الذهاب والعودة، بدل ما تجمع صندوق أو صندوقين، فيك تجمع 8 صناديق أو أكتر حسب توزيع الخريطة والمسافات.
وبالتالي عم توزع كلفة النفط على عدد أكبر من الصناديق، وعم تخلي كل رحلة أكثر كفاءة.
وهون إجى دور وزارة الاقتصاد.
وزارة الاقتصاد، ممثلةً بحسابي الشخصي، قررت تعمل تجربة اقتصادية مكلفة جداً...
بس كرمالكم. ❤️
عملنا تحليل على مرحلتين:
المرة الأولى: فتح وتحليل أكثر من 700 صندوق خشبي.
المرة الثانية: فتح وتحليل أكثر من 400 صندوق خشبي.
وبعد جمع النتائج وتحليل قيمة الهدايا الناتجة مقارنةً بقيمة الصناديق، وصلنا خلال الفترة الحالية إلى متوسط عائد يقارب:
وهون بتصير القاعدة سهلة جداً:
بيعه. 💰
لأن شراء الصندوق بهذا السعر، بحسب متوسط نتائج تجربتنا الحالية، أغلى من متوسط العائد المتوقع من فتحه.
افتحه وأنت متطمن. 🪵🎁
لأنك وفق متوسط التحليل الحالي عم تشتري فرصة عائد بأقل من قيمتها المتوقعة.
لا تعتبر رقم 6.65 قانون ثابت للأبد.
السوق بيتغير، وقيمة الهدايا والأسعار بتتغير، وبالتالي نتائج الدراسة مرتبطة بالفترة اللي انعملت فيها.
يعني لا تحفظ الرقم وتطبقه بعد شهر بشكل أعمى.
الاقتصادي الشاطر هو اللي بيراقب السوق وبيحدّث حساباته دائماً.
لا تتحرك من أجل كل صندوق لحاله.
اجمع الصناديق ضمن مسار واحد.
استنزف طاقتك بالمعركة أولاً، وبعدها اجمع الصناديق من الأقرب للأبعد، وخلي آخر نقطة قريبة من ساحة المعركة.
وبعدها:
اصبر 8–9 ساعات، اجمع المجموعة الجديدة من الصناديق اللي ظهرت، وارجع للمعركة لأن بتكون طاقتك القتالية قربت تمتلي.
أما بالنسبة للصندوق نفسه:
إذا سعره بالسوق > 6.65 → بيع.
إذا سعره بالسوق < 6.65 → افتح.
هيك بتكون عم تلعب بعقلية اقتصادي...
مو بعقلية:
"واااو! صندوق!!! خليني أروح لعنده فوراً!" 😂
احسبها قبل ما تتحرك...
لأن بكل حركة في كلفة، وبكل قرار اقتصادي في ربح أو خسارة.
وأي حدا عنده بيانات أحدث عن الصناديق أو تجربة مختلفة، يحطها بالتعليقات.
الاقتصاد السوري بيكبر لما المعلومة تنتشر بين الجميع.